O goberno do PPg xunto co visto e prace das centrais  sindicais Uxt e Csif  vai aprobar unha  modificación da Lei da Función Pública Galega, onde se vai poder  mover os funcionarios ó gusto do politiquiño  da quenda coa  praza incluída.

Ata agora as prazas das rpts, podíanse amortizar, pero non  mover dunha consellería para outra, pois ben,  a partir do ano 2011  isto vai  ser posible e volverase, como xa dixen, as LD onde os xefes de servizo van ser  bufóns do carguiño político.

O Csif e a Uxt  cando gobernaba o bipartito estaba en contra das LDs,  pero agora da o seu voto para que volten ser postos políticos.

Tamén haberá excedencias a carta, responsables de organismos  autónomos cobrando mais que o presidente da Xunta,  funcionarios condenados por  xuiz que poden ser rehabilitados polo consello de goberno da Xunta...

Saltou hai uns días na prensa  que postos de xefes de servizo, subdirectores,  e persoal de postos inferiores están cobrando sen facer nada e sen praza e iso  solo por ter traballado co goberno bipartito, dicía a prensa que eran sobre  51 persoas e que cobraban unha media de 50.000 € cadanseu ó ano.

Eu penso que son  moitos mais, probablemente sexan 51 nos servizos centrais pero faltan tódolos  das delegacións e organismos autónomos,  polo que poden ser mais do triplo.

Pero na administración galega xa estamos acostumados a que nos  defrauden de cotio, é mais, hai consellerías que como se acerca o final do ano  van facer horas extras, vostedes entenden algo?

Sobran funcionarios, a metade están man sobre man toda a  maña e despois van  polas tardes facer  horas extras.

Si Señores esta é a austeridade do señorito Feijoo.

Tags: funcionario, xunta galicia, administración, sindicatos