O urbanismo galego é un caos. Nos anos das vacas gordas, empezouse a construír non so nas  vilas, senón tamén na costa. Así, como moitas outras xurdiu o caso de Barreiros na costa lucense.

Barreiros, era e é un pequeno concello na  costa de Lugo, non fai mais de trinta anos empezaron a construír médicos, avogados,  de Lugo. Nesta primeira etapa os solares case llos  regalaron os que construíron alí un chale para as vacacións ou para a fin de  semana.

Pouco despois foi a xente humilde, que dado  que era barato mercou alí unha finca e con grandes sacrificios fixo unha  casiña, pero sen proxecto, sen licenza e sen nada, co que a maioría das  vivendas existentes son ilegais.

No boom da construción a mafia do ladrillo  puxo alí os seus ollos e empezou a mercar fincas a prezo de ouro. Os paisanos  encantados porque vendían polo que querían, pero o problema é que o concello  non ten servizos para as casas que se pretendía construír.

Con certa frecuencia visito Barreiros e cada  vez que pasaba vía un edificio novo. Fai uns 10 anos o único que vías  cada vez que pasabas era unha casiña nova no  medio dun prado, porque cada quen construía onde lle petaba, pero cando chegou  a época alta da construción, dunha visita a seguinte, aquilo non era coñecidosolo se vía ladrillo e mais ladrillo.

Un día falando con alguén do concello  recoñeceume que había moitas construcións que non tiñan licenza nin  posibilidade de tela, e que os construtores tiñan tódalas vivendas vendidas.

A presión sobre o concello era enorme. Éte aquí  que a conselleira lles paralizou as licenzas dado as irregularidades que   estaban cometendo e agora a mala da película é a conselleira, cando os únicos  que actuaron irregularmente foi a mafia da construción por mercar e vender algo  que non tiña licenza, pero claro como eles están acostumados a mercar todo con   diñeiro…

O equipo de goberno, mais a arquitecta están  sendo investigados no xulgado, pero chega o señorito Feijoo, asesorado pola  mafia do ladrillo da que se rodeou e asina un convenio para legalizar todo o   ilegalizable. Por enriba nos tódolos cidadáns imos pagar os excesos dos  señoritos da construción por obra e graza de Feijoo. Hainos que ter ben grandes…

Tags: urbanismo, construción, barreiros, xulgado, fiscalia, corrupción